دو روزہ یاسین قرقلتی مکولی فیسٹول اپنے اختتام کو پہنچا

سب ڈویژنل انتظامیہ یاسین کے زیر نگرانی، یاسین قرقلتی کے یوتھ و دیگر نجی اداروں کے تعاون سے رکھا گیا دو روزہ یاسین قرقلتی مکولی فیسٹول اپنے اختتام کو پہنچا۔
فیسٹول میں ہزاروں کی تعداد میں شائقین نے شرکت کی۔ جس میں مختلف قسم کے صحت مندانہ سرگرمیاں ہوئی۔ اس ایونٹ کا مقصد معاشرے میں صحت مندانہ سرگرمیوں کو فروغ دینا اور نوجوان نسل کو معاشرتی برائیوں سے بچانا تھا۔
اس ایونٹ میں مختلف سکالرز نے شرکت کی۔ اسسٹنٹ کمشنر یاسین اقبال جان صاحب اور ممبر قانون ساز اسمبلی گلگت بلتستان جناب غلام۔محمد صاحب نے بطور مہمان خصوصی شرکت کی۔ شرکا سے خطاب کرتے ہوئے اسسٹنٹ کمشنر یاسین اقبال جان صاحب نے کہا کہ ایسے ایونٹ کے انعقاد سے معاشرے میں برائیوں اور جرائم کا خاتمہ ہوتا ہے اسی سلسلے دیگر سکالرز نے بھی اپنے خیالات کا اظہار کیا۔ اے سی یاسین اقبال جان صاحب نے ایونٹ کے بہترین انداز میں انعقاد و اختتام پر منتظمین کو خراج تحسین پیش کرتے ہوئے شاباشی دی اور ہر سال اس ایونٹ کو مذید بہتر انداز میں منانے کے عزم کا اظہار کیا۔